Տիգրան Աբրահամյանն այցելել է Բագրատ սրբազանին
«Պատիվ ունեմ» խմբակցության պատգամավոր Տիգրան Աբրահամյանը հայտնել է, որ այցելել է Բագրատ սրբազանին։
«Այս ճակատագրական օրերին առավել հստակ է դառնում, թե ինչու են Սրբազանին պահում ճաղերի հետևում։
Ավելին՝ նույնիսկ նրա կալանավորման ժամանակը պատահական չէր ընտրվել։
Ու առհասարակ, վստահ եմ, որ ընտրությունների նախապատրաստման ռազմավարությունը կառուցելիս իշխանությունը նախապես ցուցակներ է կազմել՝ կալանավորման ենթակա դեմքերի, ճնշման ենթակա գործարարների, մարզերում հեղինակություն ունեցող անձանց և այլոց։
Բագրատ սրբազանի կամքն ու վճռականությունը, անզիջում պայքարը նույնիսկ բանտից է իմպուլսներ հաղորդում ընդդիմության հավաքական պայքարին։
Ազատություն բոլոր քաղբանտարկյալներին»,- գրել է նա։
