Փամբակ գետում վերսկսվել են անհետ կորածի որոնողական աշխատանքները

Այսօր՝ հունիսի 28-ին, սկսվել են Փամբակ գետում որոնողական աշխատանքները․ գրում է shamshyan.com-ը։

«Առավոտյան ժամը 08։00-ից Հ․ Նաղդալյանն ու Ս․ Գաբրիելյանը տվեցին հանձնարարականներ, որից հետո սկսվեցին աշխատանքները։

Ջրասուզակները գետում, իսկ փրկարարները, համայնքային ոստիկանները, պարեկները, կամավորներն ու որոնվողի հարազատները գետի ողջ երկայնքով սկսեցին որոնողական աշխատանքներ իրականացնել։ Քիչ հետ պետք է գետի ողջ տարածքում որոնղական աշխատանքներին միանան նաև անօդաչու թռչող սարքերով որոնողները»,- գրում է լրատվամիջոցը։