ՀՀ պաշտոնյաների հայտարարությունները նոր խնդիրներ են ստեղծում հարաբերություններում. Զախարովա
Հայ պաշտոնյաների հայտարարությունները, թե ռուս խաղաղապահներն Արցախում չեն պաշտպանել հայ բնակչությանն ու էթնիկ զտում են թույլ տվել, ապակառուցողական են և իրականությանը չեն համապատասխանում․ հայտարարել է Ռուսաստանի ԱԳՆ պաշտոնական ներկայացուցիչ Մարիա Զախարովան:
«Բազմիցս նշել ենք, որ դրանք միայն նոր խնդիրներ են բերում երկկողմ հարաբերություններում և չեն աջակցում ո՛չ երկկողմ օրակարգի ամրապնդմանը, ո՛չ տարածաշրջանային խնդիրների լուծմանը: Չգիտեմ՝ դա Հայաստանում ինչ-որ մեկին ձեռնտո՞ւ է, թե՞ արտասահմանում է ինչ-որ մեկին ձեռնտու։ Մեկնաբանելով այդ հայտարարությունները՝ կասեմ, որ դրանք փաստերը խեղաթյուրելու փորձեր են՝ պատասխանատվության տակից դուրս գալու համար», – ասել է Զախարովան:
