Կայծակից վնասված կամրջով երթևեկությունը վաղվանից բաց կլինի

Երևան-Սևան ավտոճանապարհի՝ Չարենցավանի հատվածում կայծակի հարվածից վնասված կամրջի վերականգնումն ավարտական փուլում է․ հայտնում են «Ճանապարհային դեպարտամենտ» հիմնադրամից։

«Կամրջի վնասված հեծանները փոխարինվել են նորերով։ Այս օրերին արդեն երթևեկամասում տեղադրվում է ասֆալտբետոնե ծածկը։

Վաղվանից կամրջով բնականոն երթևեկությունը կվերականգնվի»,- ասված է հաղորդագրությունում։