Մարիա Զախարովան գերմանացի դիվանագետներին առաջարկել է անցնել հասարակական տրանսպորտի՝ բենզինի վերաբերյալ նրանց մտահոգություններից հետո

ՌԴ ԱԳՆ խոսնակ Մարիա Զախարովան ՌԴ-ում Գերմանիայի դեսպանատան դիվանագետներին առաջարկել է անցնել հասարակական տրանսպորտի՝ վառելիքի վերաբերյալ նրանց մտահոգություններից հետո․ գրում է ՏԱՍՍ-ը։

«Գերմանիայի դեսպանատունը մեզ տեղեկացրեց բենզինի խնդիրների մասին և որ անհրաժեշտ է դադարեցնել, ինչպես նրանք են անվանում, «ագրեսիվ պատերազմը»: Մենք համաձայն ենք, որ ժամանակն է, որ Բեռլինը դադարեցնի Կիևի ռեժիմի ձեռքերով իրականացվող այս ագրեսիվ պատերազմը: Մինչ այդ, թող մտահոգ գերմանացի դիվանագետներն օգտվեն հասարակական տրանսպորտից»,- ասել է նա։