Մենք նկատում ենք ՀՀ քաղաքացիություն ստանալու դիմումների կտրուկ աճ ՌԴ հայերի շրջանում․ Արմեն Ղազարյան
Եթե ուշադրություն դարձնենք մեր միգրացիոն հոսքերին և ՀՀ քաղաքացիություն ստանալու դիմումներին, կնկատենք, որ քաղաքացիությունն օգտագործվել է 2 նպատակով, առաջինը՝ ձեռք բերելու համար ճամփորդական փաստաթուղթ․ այսօր հրավիրած ասուլիսում ասաց ՀՀ ՆԳ նախարարի տեղակալ Արմեն Ղազարյանը։
«Մենք նկատում ենք ՀՀ քաղաքացիություն ստանալու դիմումների կտրուկ աճ ՌԴ հայ համայնքի շրջանում։ Եթե նայենք 2025-ի դիմումների քանակը, այն գերազանցել է 32․000-ը, դա պատմական մաքսիմումն է ՀՀ գոյության ամբողջ ընթացքում։ ՌԴ այն քաղաքացիները, որոնք դիմում են քաղաքացիություն ստանալու համար, հիմնականում ազգությամբ հայերն են։ Այս տենդենցն առնչվում է մեր սփյուռքին»,- ասաց նա։
Ըստ նրա՝ քաղաքացիությունը գործիքայնացվում է պարզապես ճամփորդական փաստաթուղթ ստանալու համար։
«Երբ ասում են՝ բարդ է ՀՀ քաղաքացիություն ձեռք բերելը, ես ամենայն վստահությամբ պնդում եմ, որ դա այդպես չէ։ Միգուցե առկա են վարչարարական բարդություններ, փաստաթղթային, բայց պահանջների մասով ազգությամբ հայերի համար ՀՀ քաղաքացիություն ձեռք բերելու համար ՀՀ-ն, ըստ էության, ոչ մի պահանջ չի առաջադրում, և սա, իմ մասնագիտական կարծիքով, խնդիր է, և այն պետք է հասցեագրել»,- ասաց ՆԳ նախարարի տեղակալը։
