Հայ դատի գրասենյակը թիրախավորում են Թուրքիան, Ադրբեջանն ու ՀՀ կառավարությունը․ Իշխան Սաղաթելյան
Հայ դատը ներկուսակցական դատ չէ։ Հայ դատը Դաշնակցության կամ դաշնակցականների դատը չէ։ Հայ դատը բովանդակ հայ ժողովրդի արդարության դատն է. ՀՅԴ Հայ դատի համահայկական համաժողովին ասել է ՀՅԴ ԳՄ ներկայացուցիչ Իշխան Սաղաթելյանը։
«Հայ դատի գրասենյակը թիրախավորվում է Թուրքիայի, Ադրբեջանի և Հայաստանի կառավարությունների կողմից»,-ասել է Սաղաթելյանը։
Նա տեղեկացրել է, որ խորհրդաժողովի ընթացքում քննարկելու են 3 հարց․
- Ինչպես չեզոքացնել Բաքվից Հայաստանին պարտադրվող նոր պահանջները, երբ ՀՀ իշխանությունը ոչ միայն չի դիմադրում, այլ պարտադրում է հայ հանրությանը։
- Ինչպես պաշտպանել Ցեղասպանության միջազգային ճանաչման գործընթացը, այն, որ Արցախը Հայաստան է, պահպանել մեր մշակութային և կրոնական ժառանգությունը և քննարկել գերիների վերադարձի հարցը։
- Նպաստել Սփյուռքի և Հայաստանի միասնությանը։
