Մոսկվան հուսով է, որ «3+3» ձևաչափով հանդիպումը շուտով կկայանա․ Լավրով

Մոսկվան հուսով է, որ «3+3» տարածաշրջանային խորհրդատվական ձևաչափի (Ադրբեջան, Հայաստան, Վրաստան և Ռուսաստան, Իրան, Թուրքիա) հանդիպումը կկայանա մոտ ժամանակներս․ РИА Новости-ի փոխանցմամբ՝ այս մասին հայտարարել է Ռուսաստանի արտաքին գործերի նախարար Սերգեյ Լավրովը։

«Այս հարթակի մասնակիցները համաձայնել են առաջ մղել միավորող օրակարգ։ Մենք հույս ունենք, որ շուտով կկայանա այս ձևաչափով ևս մի հանդիպում», - նշել է Լավրովը Եվրասիական անվտանգության հարցերով Մինսկի 4-րդ միջազգային համաժողովի բարձր մակարդակի լիագումար նիստում։