Մեծ Բրիտանիայի ծովային առևտրի օպերացիաների գրասենյակը (UKMTO) հայտնել է, որ Եմենի Մոհա նավահանգստի մոտ նավ է հարձակման ենթարկվել:
«Միջադեպը տեղի է ունեցե Եմենի Մոհայից 40 ծովային մղոն հարավ: Նավի հրամանատարը հայտնել է, որ իր նավի ուղղությամբ երկու հրթիռ է արձակվել »,- ասված է գերատեսչության կայքում հրապարակված հաղորդագրության մեջ:
UKMTO-ն խորհուրդ է տվել զգուշությամբ նավարկել այդ տարածքում և հայտնել ցանկացած կասկածելի գործողության մասին:
ԱՄՆ նախագահ Ջո Բայդենը «X» սոցիալական ցանցում քննադատել է Սպիտակ տան նախկին ղեկավար Դոնալդ Թրամփի հայտարարությունը, թե ինքը չի խանգարի Ռուսաստանին հարձակվել ՆԱՏՕ-ի երկրների վրա, եթե նրանք հրաժարվեն կատարել դաշինքի հանդեպ ունեցած ֆինանսական պարտավորությունները։
«Դուք ուզում եք իմանալ, թե ինչու է Ուկրաինան կարևոր, քանի որ, ինչպես տեսնում եք, Պուտինը նպատակ ունի ավելի մեծ մրցանակների»,- գրել է Բայդենը։
Մեկնաբանություններում օգտատերերը քննադատել են Բայդենի հայտարարությունը և կոչ արել նրան հոգ տանել ոչ թե Ուկրաինայի, այլ ԱՄՆ-ի մասին, չխայտառակվել նման հայտարարություններ անելով և հրաժարական տալ։
Նախօրեին Թրամփը հայտարարել էր, որ որպես նախագահ ինքը թույլ չի տա օգնություն ցուցաբերել ՆԱՏՕ-ի երկրներին, եթե նրանք չվճարեն իրենց հաշիվները։
Կառլսոնին տված հարցազրույցում Պուտինը մանրամասն բացատրել է, որ Մոսկվան մտադիր չէ հարձակվել ՆԱՏՕ-ի երկրների վրա, մասնավորապես Լեհաստանի, Լատվիայի կամ մերձբալթյան այլ երկրների վրա, իսկ արևմտյան հասարակության մեջ քաղաքական գործիչները պարբերաբար վախեցնում են իրենց բնակչությանը ռուսական սպառնալիքով՝ շեղելով ուշադրությունը ներքին խնդիրներից։
