ԱՄՆ նախագահ Ջո Բայդենին, պետքարտուղար Էնթոնի Բլինկենին և պաշտպանության նախարար Լլոյդ Օսթինին դատի են տվել՝ Գազայի հատվածում «ցեղասպանությունը
կանխելու անկարողության» և դրան օժանդակելու համար։
Երկուշաբթի օրը հարուցված
դաշնային հայցում ասվում է նրանց՝ «Իսրայելի կառավարության կողմից իրականացվող ցեղասպանությունը
կանելու անկարողության և դրանում մասնակցության» մասին:
Նյու Յորքում գործող
Center for Constitutional Rights (CCR) քաղաքացիական ազատությունների խումբը հայց
է ներկայացրել պաղեստինյան իրավապաշտպան կազմակերպությունների, Գազայի պաղեստինցիների
և պաշարված անկլավում ազգականներ ունեցող ԱՄՆ քաղաքացիների անունից:
«Իսրայելի կառավարության
շատ առաջնորդներ հստակ ցեղասպանական մտադրություն են արտահայտել և օգտագործել պաղեստինցիներին
ապամարդկայնացնող բնութագրեր, ներառյալ «մարդանման կենդանիներ», – գրել է CCR-ն իր
բողոքում:
Հայցում նաև ընդգծվում
է, որ այս «մտադրության մասին հայտարարությունները»՝ զուգորդված պաղեստինցիների «զանգվածային
սպանությունների» հետ, վկայում են «վերահաս ցեղասպանության հանցագործության մասին»:
