TRIPP․ ինքնիշխանության մասին հավաստիացումներ` բաց հարցերի ֆոնին

TRIPP-ի ճանապարհին հայ սահմանապահներ լինելո՞ւ են, ո՞վ է վերահսկելու անվտանգությունը, և ինչ լիազորություններ է ունենալու մասնավոր ընկերությունը։ ԱԺ-ում հայ-ամերիկյան համաձայնագրի քննարկման ժամանակ հնչել են հարցեր նաև նախագծի տարածքի, երկաթուղու կանգառների և արտակարգ իրավիճակներում պատասխանատվության մասին։ Արարատ Միրզոյանը վստահեցնում է՝ Հայաստանի ինքնիշխանությունն ու իրավազորությունը պահպանվելու են, մինչդեռ ընդդիմադիր պատգամավորները մի շարք հարցերի շուրջ պարզաբանումներ են պահանջում։