Պետությունը, բիզնեսը, բնապահպանները՝ մեկ սեղանի շուրջ․ Team-ն ամփոփել է COP17-ը

COP17-ն ավարտվեց, բայց կենսաբազմազանության պահպանության համար սկսված աշխատանքը պետք է շարունակվի նաև համաժողովից հետո։ COP17-ի տեխնոլոգիական գործընկեր Team Telecom Armenia-ն համաժողովի ավարտին մեկ հարթակում է հավաքել պետական, մասնավոր և բնապահպանական ոլորտների ներկայացուցիչներին՝ քննարկելու, թե ինչպես պետություն–բիզնես համագործակցությամբ բնապահպանական նպատակները վերածել երկարաժամկետ ծրագրերի։ Համաժողովի շրջանակում Team-ը ոչ միայն ապահովել է անհրաժեշտ կապի և հաղորդակցության ենթակառուցվածքը, այլև սկսել «Հոգատար՝ գործով» բնապահպանական արշավը՝ ծառատունկից ու հին հեռախոսների վերամշակումից մինչև էլեկտրական տրանսպորտի խրախուսում։