Ֆրանսիան հաշվի է առնում Ադրբեջանի կողմից ընդունված որոշումը՝ Ադրբեջանում Ֆրանսիայի դեսպանատան երկու աշխատակցի «պերսոնա նոն գրատա» հայտարարելու վերաբերյալ․ հայտնել են Ֆրանսիայի ԱԳ նախարարությունից։
Ի պատասխան այդ քայլի՝ Ֆրանսիան անցանկալի անձ է հայտարարել 2 ադրբեջանցի դիվանագետի։
«Ֆրանսիան կտրականապես մերժում է այն մեղադրանքները, որոնք Ադրբեջանը ներկայացնում է ֆրանսիացի դիվանագետներին անցանկալի անձ ճանաչելը հիմնավորելու համար»,-հայտնել են Ֆրանսիայի արտգործնախարարությունից։
Հիշեցնենք, որ ավելի վաղ Բաքվում Ֆրանսիայի դեսպանատանը կանչվել էր երկրի արտգործնախարարություն, որտեղ նրան տեղեկացրել էին դեսպանատան երկու աշխատակցի պերսոնա նոն գրատա էին ճանաչեու մասին՝ պայմանավորված «դիվանագիտական կարգավիճակին չհամապատասխանող գործունեություն իրականացնելով»։ Նրանց հրահանգվել էր 48 ժամվա ընթացքում լքել Ադրբեջանը։
