Պուտինը մարդ չի ուտում․ Պեսկովը՝ Հարիսին
ՌԴ նախագահի մամուլի քարտուղար Դմիտրի Պեսկովը պատասխանել է ԱՄՆ փոխնախագահ Քամալա Հարիսի այն խոսքերին, որ ՌԴ նախագահ Վլադիմիր Պուտինը «կուտի» նոյեմբերի 5-ի ընտրություններում հաղթած Դոնալդ Թրամփին․ այս մասին հայտնում է TACC-ը։
«Պուտինը մարդկանց չի ուտում», - ասել է Պեսկովը։
ԱՄՆ նախագահական ընտրությունների քարոզարշավի ժամանակ Հարիսը, դիմելով Թրամփին, ասել էր՝ «Պուտինը քեզ կուտի»։ Նա նաև կարծիք էր հայտնել, որ եթե հանրապետականը լիներ նախագահ, «Պուտինը հիմա նստած կլիներ Կիևում»։
