Դամասկոսի օդանավակայանը վերակառուցելու համար Թուրքիայից Սիրիա ուղարկված 25 հոգանոց թիմն արդեն սկսել է աշխատանքը, այս մասին հայտնում է թուրքական TRT Haber-ը հղում անելով Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
Նախարարի խոսքով՝ Թուրքիայից Սիրիա է հասցվել նաև տարբեր տեխնիկական օգնություն՝ 10 ռենտգեն ապարատ և ութ ձեռքի մետաղական դետեկտոր։ Նրա խոսքով՝ դա անհրաժեշտ է օդանավակայանի անվտանգությունն ուժեղացնելու համար։
Ա.Ուրալօղլուն նշել է, որ Թուրքիան կշարունակի աշխատել Սիրիայում օդային հաղորդակցության ամրապնդման ուղղությամբ։
