Ֆլորիդայում ոստիկանության ծառայողի որդին կրակ է բացել մոր նախկին ծառայողական զենքից․ կան զոհեր ու վիրավորներ
Ֆլորիդայի պետական համալսարանում ոստիկանության ծառայողի որդին կրակ է բացել մոր նախկին ծառայողական զենքից, ինչի հետևանքով մահացել է երկու մարդ, վիրավորվել՝ վեցը․ գրում է BBC–ն՝ հղում անելով տեղի իշխանություններին։
Կասկածյալը՝ 20-ամյա Ֆենիքս Իկները, նույնպես Ֆլորիդայի պետական համալսարանի ուսանող է։
Ոստիկանությունը կարծում է, որ զինված անձը՝ Լեոն շրջանի շերիֆի տեղակալի որդին, գործել է միայնակ։ Նրա գործողությունների շարժառիթը դեռևս հայտնի չէ:
Իկների հարձակումից հետո, ոստիկանները կրակել են նրա վրա․ նրան տեղափոխել են հիվանդանոց:
Ոստիկանությունից հայտնել են, որ զոհերը ուսանողներ չեն, սակայն նրանց ինքնությունը չի հաղորդվում:
