Այն, որ Սահմանադրական դատարանն անկախության, անաչառության լրջագույն դեֆիցիտ ունի, անհերքելի փաստ է․ Արամ Վարդևանյան

Այն, որ Սահմանադրական դատարանն անկախության, իր չեզոքության, անաչառության լրջագույն դեֆիցիտ ունի, և այդպիսին է նաև հանրային ընկալումը, անհերքելի փաստ է․ այսօր ՍԴ շենքի մոտ լրագրողների հետ զրույցում ասաց «Ուժեղ Հայաստան» կուսակցության անդամ, փաստաբան Արամ Վարդևանյանը՝ պատասխանելով հարցին՝ ինչ ակնկալիք ունի հիմնականում ՔՊ-ի կողմից նշանակված ՍԴ-ից։

Նշենք, որ այսօր ՍԴ-ն քննում է ընդդիմության բողոքները՝ հունիսի 7-ի ընտրության արդյունքներն անվավեր ճանաչելու վերաբերյալ։

«Այս փուլում արդյունքների վերաբերյալ դատողություն չեմ ուզում անել, բայց մտահոգություններս հստակ ընդգծում եմ։ Արձանագրենք մեկ հստակ փաստ՝ «Քաղաքացիական պայմանագիր»-ը չի հաղթել այս ընտրություններում։ Եթե իրենց պատկերացմամբ ժամանակակից եվրոպական չափանիշն այն է, որ ձայների փոշիացման շնորհիվ իշխանություն ձևավորեը, ըստ ԿԸՀ արձանագրության, բավարար է հաղթանակ արձանագրելու համար, քավ լիցի, թող դա լինի իրենց կարծիքը»,- ասաց Արամ Վարդևանյանը։