Ռուսաստանի ԱԳՆ-ում Հայաստանի դեսպանի հետ զրույցը չափազանց կոշտ է եղել․ RT

Ռուսաստանի արտաքին գործերի նախարարությունում Հայաստանի դեսպանի հետ զրույցը չափազանց կոշտ է եղել․ RT-ին հայտնել է դիվանագիտական աղբյուրը։

«Մայիսի 9-ի նախօրեին Երևանում կազմակերպված հակառուսական քայլերը և Զելենսկիի կողմից Հայաստանի մայրաքաղաքում հնչեցված ահաբեկչական հարձակումների ուղղակի սպառնալիքները՝ բոլոր ներկաների լուռ համաձայնությամբ, հակասում են Հայաստանի ղեկավարության կողմից Մոսկվայում տրված դաշնակցային պարտավորություններին և բարեկամության մասին հավաստիացումներին»,- գրում է լրատվամիջոցը։

Մոսկվայում Հայաստանի դեսպան Գուրգեն Արսենյանը մայիսի 7-ին կանչվել է Ռուսաստանի ԱԳՆ։ Դիվանագետին ասվել է, որ կտրականապես անընդունելի է հանրապետությունում Զելենսկիին հարթակ տրամադրելը՝ Ռուսաստանի դեմ ահաբեկչական սպառնալիքներ հնչեցնելու համար։