Վահան Քերոբյանը ԱԱԾ-ո՞ւմ է․ ՔԿ-ն հրաժարվում է մեկնաբանել

Մամուլում տեղեկություն է տարածվել, որ Էկոնոմիկայի նախկին նախարար Վահան Քերոբյանն ԱԱԾ-ում է։

Քննչական կոմիտեի նախագահի մամուլի խոսնակ Գոռ Աբրահամյանը ABC media-ի հետ զրույցում հրաժարվեց մանրամասներ հայտնել։

«Քրեական գործերով մանրամասներ չենք հայտնում, նախաքննական գաղտնիք է»,-նշեց Աբրահամյանը։

Հիշեցնենք, որ Վահան Քերոբյանը երեկ ազատվել էր էկոնոմիկայի նախարարի պաշտոնից: Ավելի վաղ Էկոնոմիկայի նախարարությունում կոռուպցիայի դեպք էր բացահայտվել։

ՀՀ քննչական կոմիտեի և ՀՀ ԱԱԾ աշխատակիցների կողմից համատեղ իրականացված օպերատիվ-քննչական միջոցառումների, ՀՀ էկոնոմիկայի նախարարությունում և մի շարք անձանց բնակարաններում  խուզարկությունների  արդյունքում ձերբակալվել էր 6 անձ։ Նրանց թվում էին եղել նաև էկոնոմիկայի նախկին փոխնարար Անի Իսպիրյանը, ինչպես նաև

ԱԺ նախագահ Ալեն Սիմոնյանի եղբոր կինը՝ Անի Գևորգյանը,  «Սիներջի» ընկերության հիմնադիր տնօրեն Աշոտ Հովհաննիսյանը։