Վրաստանում ցուցարարները հավաքվել են երկրի խորհրդարանի մոտ. Ռուսթավելի պողոտան փակ է
Թբիլիսիում հազարավոր ցուցարարներ հավաքվել են բողոքելու երկրի վարչապետի հայտարարության դեմ, ըստ որի Վրաստանը չի նախատեսում ԵՄ անդամակցության շուրջ բանակցություններ սկսել առաջիկա չորս տարիներին. հաղորդում են վրացական լրատվամիջոցները:
Հանրահավաքին միացել են տարբեր բուհերի ուսանողներ, պետծառայողներ, լրագրողներ։
Խորհրդարանի մոտ արդեն մոբիլիզացվել են Թբիլիսիի կենտրոնում՝ Ազատության հրապարակում, մոբիլիզացվել են հատուկ ջոկատայիններ, ջրցան մեքենաներ և հատուկ տեխնիկա։
Ռուսթավելիի կենտրոնական մուտքը փակ է մետաղյա ցանկապատերով։ Օրենսդիր մարմնում ներդրվել է անվտանգության կարմիր մակարդակ։ Շենքը հոսանքազրկված է, ներս են թողնում միայն աշխատակազմի ղեկավարի անցագրերով:
Բավականին մասշտաբային ակցիաներ-երթեր այսօր տեղի են ունենում նաև Զուգդիդիում, Քութայիսիում, Բաթումում, Գորիում և Լագոդեխիում:
