Զելենսկին հայտարարել է Կառավարության և իրավապահ մարմինների ղեկավարների փոփոխության մասին
Ուկրաինայի նախագահ Վլադիմիր Զելենսկին հայտարարել է երկրի վարչապետ Յուլիա Սվիրիդենկոյի պաշտոնանկության, նաև Կառավարության և իրավապահ մարմինների ղեկավարության փոփոխությունների մասին․ գրում է «Украинская правда»-ն։
Նա նշել է, որ Ուկրաինան փոխում է իր քաղաքական ռազմավարությունը. այսպես, արտաքին քաղաքականության յուրաքանչյուր առաջնահերթ ուղղության համար պատասխանատու են լինելու հարուստ փորձ ունեցող անձինք։
Ի թիվս այլնի, Ուկրաինայի նախագահն ընդգծել է ռազմաարդյունաբերության զարգացման անհրաժեշտությունը։
«Մանրամասները քննարկել ենք վարչապետ Յուլիա Սվիրիդենկոյի հետ և եկել եզրակացության, որ փոփոխությունների համար անհրաժեշտ է Նախարարների կաբինետի թարմացում։
Ես շնորհակալ եմ Յուլիային վարչապետի պաշտոնում հստակ, կայուն և արդյունավետ աշխատանքի, Ուկրաինայի թիմում տարիների արդյունավետ գործունեության համար և առաջարկել եմ գլխավորել նոր, կարևոր ուղղություն՝ առանցքային գործընկերոջ հետ հարաբերություններում», – հայտարարել է Զելենսկին։
