Մադուրոյի կինը սրտի կաթված է ստացել բանտում. Associated Press

Սիլիա Ֆլորեսը՝ գերի վերցված Վենեսուելայի նախագահ Նիկոլաս Մադուրոյի կինը, սրտի կաթված է ստացել ԱՄՆ բանտում. հաղորդում է Associated Press-ը՝ հղում անելով Ֆլորեսի փաստաբաններին։

69-ամյա Ֆլորեսի ներկայացուցիչները հայտարարել են, որ մեղադրյալը հուլիսին սրտի կաթված է ստացել։ Նրանք նշում են, որ Ֆլորեսն ունի սրտի խնդիրներ, որոնք չեն կարող բուժվել բանտում։ Ֆլորեսը նաև 11 կիլոգրամ է կորցրել կալանքի ընթացքում։

Փաստաբանները հավելել են, որ կձգտեն մեղադրյալին տեղափոխել տնային կալանքի։

Հունվարի 3-ին Միացյալ Նահանգները հարձակվել է Վենեսուելայի քաղաքացիական և ռազմական թիրախների վրա՝ գերի վերցնելով և արտաքսելով Մադուրոյին և նրա կնոջը։ Հունվարի 5-ին նրանք ներկայացել են Նյու Յորքի Հարավային շրջանի դաշնային դատարան։ Նրանց մեղադրում են թմրանյութերի ապօրինի շրջանառության համար։

Մադուրոն և Ֆլորեսը չեն ընդունել իրենց մեղքը։ Վենեսուելայում պետության ղեկավարի գործառույթները կատարում է նախագահի պաշտոնակատար Դելսի Ռոդրիգեսը, որը Մադուրոյի օրոք եղել է հանրապետության փոխնախագահը։