Գազայում հումանիտար օգնություն տեղափոխող բեռնատարի կողաշրջման հետևանքով 20 մարդ է զոհվել
Գազայի քաղաքացիական պաշտպանության գործակալությունը այսօր հայտարարել է, որ անկլավի տարածքում բեռնատար է կողաշրջվել. փոխանցում է The Guardian-ը:
Փախստականների ճամբարի մոտ տեղի ունեցած պատահարի հետևանքով զոհվել է 20 մարդ, հաղորդում են տասնյակ տուժածների մասին:
«Քսան մարդ զոհվել է և տասնյակ մարդիկ տուժել են օգնություն տեղափոխող բեռնատար մեքենայի կողաշրջման հետևանքով, մինչ հարյուրավոր քաղաքացիական անձինք սպասում էին օգնության», – AFP-ին ասել է քաղպաշտպանության գործակալության խոսնակ Մահմուդ Բասալը։
Տեղի ունեցածի համար ՀԱՄԱՍ խմբավորումը մեղադրել է իսրայելական կողմին:
