Փաշինյանն իշխանության է եկել նախկին նախագահների սխալների հետևանքով․ Թաթոյանի ասուլիսը՝ կետերով
«Միասնության թևեր» նախաձեռնության ղեկավար Արման Թաթոյանն ասուլիս է հրավիրել, որի ընթացքում անդրադարձել է մի շարք հարցերի։ Թաթոյանի ասուլիսից կարևոր հատվածներ ներկայացնում ենք ստորև․
- Նիկոլ Փաշինյանը սնվում է նախկին նախագահներից։ Նա եկել է իշխանության նրանց սխալների հետևանքով։
- Նիկոլ Փաշինյանն ու նախկին նախագահներն առանց իրար գոյություն ունենալ չեն կարող։
- Մեկն ուզում է մեզ տանել Բելառուսի հետքերով, մյուսը՝ դարձնի Ադրբեջանի վիլայեթ։
- Նիկոլ Փաշինյանը երկիրը պահում է ատելության մեջ։
- Մենք եկել ենք ասելու, որ եկել ենք դառնալու ձեր ձայնը, ճեղքելու ենք այս համակարգը, որը թունավորում է մեր քաղաքական կյանքը։
- Մեր ժողովուրդը հստակ ասել է, որ նախկին նախագահները իշխանության գալ չի կարող։
- Չենք կարող ասել, որ նախկին նախագահների օրոք միայն վատ բաներ են եղել, բայց այն, ինչ տեղի ունեցավ, բոլոր նախագահների թույլ տված սխալների հետևանքն է։
- ՔՊ-ն նեգատիվի իշխանություն է, ամբողջը կառուցված է ատելության շուրջ։
- Մարդկանց անընդհատ զզվեցնում են նույն խնդիրներով, որ մարդիկ չգնան ընտրության, ինչից օգտվում է միայն ՔՊ-ն ու Նիկոլ Փաշինյանն անձամբ։
- Խոսքս ուղղում եմ նախկին նախագահներին՝ եթե դուք ուզում եք, որ Փաշինյանը պարտվի, չպիտի մասնակցեք ընտրությանը։ Դուք դառնում եք Փաշինյանի ձեռքի գործիքը, դառնում եք ռեժիմի անդամ։
