Եղբորս ունեցվածքն ավելանալու է, բիզնեսները շատ լավ աշխատում են անգամ իր բացակայության պայմաններում․ Կարեն Կարապետյան

Հակակոռուպցիոն դատարանում լրագրողները Սամվել Կարապետյանի եղբորը՝ Կարեն Կարապետյանին, խնդրեցին մեկնաբանել Նիկոլ Փաշինյանի հայտարարությունը, թե գործարար Կարապետյանին պատրաստվում է ունեզրկել։

«Ձեր ժպիտը չի՞ գալիս, երբ լսում եք այդ արտահայտությունը,- արձագանքեց Կարեն Կարապետյանն ու շարունակեց,- Նիկոլ Փաշինյանի հայտարարությունները հերթով նայեք, դրանք իրականություն դարձե՞լ են․․․ Հակառակն  է եղել, այդպես նաև եղբորս ունեցվածքն է ավելանալու, բիզնեսները շատ լավ աշխատում են անգամ նրա բացակայության պայմաններում»։