Թրամփը կոչ է արել Իսրայելին պատասխան հարված չտալ Իրանին
ԱՄՆ նախագահ Դոնալդ Թրամփը կոչ է արել Իսրայելին պատասխան հարված չտալ Իրանին՝ խաղաղության համաձայնագիրը խափանելու վտանգի պատճառով։
ԱՄՆ նախագահի խոսքով՝ կողմերը «շատ մոտ են» Իրանի վերաբերյալ համաձայնագրի հասնելուն, և նա «չի ուզում, որ այն քանդվի այն պատճառով, ինչ հիմա կատարվում է»։
«Եթե Բիբին հակահարված տա, այն պարզապես կշարունակվի այնպես, ինչպես եղել է վերջին 47 տարիների կամ վերջին 3000 տարիների ընթացքում… Մենք շատ մոտ ենք Իրանի հետ վերջնական համաձայնագրին։ Դա լավ համաձայնագիր կլինի։ Ես չեմ ուզում, որ այն քանդվի այն պատճառով, ինչ հիմա կատարվում է… Ես հիմա զանգահարելու եմ Բիբիին և ասելու եմ նրան, որ չպատասխանի»,- նշել է նա Axios/N12-ին տված մեկնաբանությունում։
