Ռուսաստանը խաղաղության պայմանագրի շուրջ երկխոսություն չի վարում Ճապոնիայի հետ․ Զախարովա
Ռուսաստանի որոշումը՝ դադարեցնել Ճապոնիայի հետ խաղաղության պայմանագրի շուրջ բանակցությունները, ուժի մեջ է, այսօրվա պայմաններում ռուսաֆոբիա սերմանող և ոչ բարեկամական դիրքեր բռնող Տոկիոյի հետ երկխոսությունն անհնար է. ասել է ՌԴ ԱԳՆ պաշտոնական ներկայացուցիչ Մարիա Զախարովան։
Նա հիշեցրել է, որ դեռևս 2022 թվականի մարտի 21-ին ՌԴ ԱԳՆ-ն հայտարարություն էր տարածել Տոկիոյի որոշումներին ի պատասխան, այդ ժամանակ Մոսկվան հայտարարել էր, որ չի բանակցի խաղաղության պայմանագրի շուրջ մի պետության հետ, որը բացահայտ ոչ բարեկամական դիրքորոշում ունի և փորձում է վնաս հասցնել ՌԴ-ի շահերին։
Հիշեցնենք, որ նախօրեին Ճապոնիայի վարչապետը, ելույթ ունենալով խորհրդարանում, հայտարարել է, որ տարածքային վեճը լուծելուց հետո Ռուսաստանի հետ հաշտություն կնքելու մտադրություն ունեն։ Միաժամանակ Կիշիդան ընդգծել է, որ Ճապոնիան կշարունակի պատժամիջոցների կիրառել ՌԴ-ի վրա։
