Իրանի նախագահ Էբրահիմ Ռայիսին ելույթ է ունեցել Բանակի օրվա առթիվ Իսլամական Հանրապետության բանակի շքերթի ընթացքում։
«Զինված և ժամանակակից բանակը, Իսլամական հեղափոխության պահապանների հզոր կորպուսը և մեր զինված ուժերը երկրի հզորության ողնաշարն են: Տարածաշրջանի ուժերը կարող են ապավինել մեր զինված ուժերին։Եթե Իսրայելը մեր տարածքի նկատմամբ նույնիսկ ամենափոքր խախտում թույլ տա, կկանգնի դաժան պատասխանի առաջ»,-ասել է Ռայիսին։
Դիմելով տարածաշրջանի երկրներին՝ Ռայիսին ասել է․ «Ես ասում եմ տարածաշրջանի երկրներին, որ մեր ռազմական ուժերը ստեղծում են անվտանգություն և խաղաղություն, ուժի աղբյուր են տարածաշրջանի համար և լիովին վստահելի են։ Այդ երկրները, Սիոնիստական ռեժիմի հետ կապերի փոխարեն, պետք է ապավինեն իրենց ձեռքբերումներին։ Տարածաշրջանում արտաքին ուժերի կարիք չկա»,- եզրափակել է նա։
