Պուտինը Կրեմլում ընդունել է ամերիկացի բանագնացներ Սթիվ Ուիթքոֆին և Ջարեդ Քուշներին

Ռուսաստանի նախագահ Վլադիմիր Պուտինը Կրեմլում հանդիպում է ամերիկացի բանագնացներ Սթիվ Ուիթքոֆի և Ջարեդ Քուշների հետ։

Ուիթքոֆի հետ սա Պուտինի դեմ առ դեմ ութերորդ հանդիպումն է, իսկ Քուշները ուկրաինական կարգավորման շուրջ քննարկումներին մասնակցում է երրորդ անգամ։

Նախօրեին ԱՄՆ նախագահ Դոնալդ Թրամփը վստահություն էր հայտնել, որ ամերիկյան դիվանագիտությունը  կարող է լավ հնարավորություն ստեղծել Ուկրաինայում հակամարտությունը հաղթահարելու համար։ Միևնույն ժամանակ Թրամփը չէր հաստատել, որ իր հատուկ բանագնացները Ռուսաստան են մեկնելու կարգավորման վերաբերյալ նոր առաջարկներով։