Լիբանանում ծեծել են հայազգի արվեստագետ Րաֆֆի Թութուկյանին
Լիբանանում ծեծի է ենթարկվել արվեստագետ Րաֆֆի Թութուկյանը։ «Արևելք»-ի Լիբանանի աղբյուրները հայտնում են, որ դեպքը տեղի է ունեցել Բուրջ Համուդ հայաշատ շրջանի Նոր Մարաշ թաղամասում, ուր ապրում և ստեղծագործում է Թութուկյանը։
Ըստ «Արևելք»-ի աղբյուրի, հայ արվեստագետի վրա հարձակմանը նախորդել է վեճը։ Երկու զինվածներ, որոնցից մեկի հետ վիճաբանել է Րաֆֆին, մոտեցել և անխնա ծեծել են նրան։ Հանցագործների հեռանալուց հետո Րաֆֆին տեղափոխվել է հիվանդանոց։ Նշվում է, որ նրա կյանքին վտանգ չի սպառնում։
