Ղուկասյանի գործին ավելացել է նոր հոդված․նա Փաշինյանին «միապետ» է կոչել
Երկրորդ մեղադրանքն է առաջադրվել Գյումրու համայնքապետ Վարդան Ղուկասյանին՝ Նիկոլ Փաշինյանին հարցազրույցներից մեկում «միապետ» անվանելու համար։
Տեղեկությունը հայտնում է պաշտպան Հովհաննես Ղարքաքեշիշյանը՝ նշելով՝ մեղադրանքը վերաբերում է Քրեական օրենսգրքի «իշխանություն զավթելու, տարածքային ամբողջականությունը խախտելու կամ իշխանությունից հրաժարվելու կոչեր հնչեցնելու» հոդվածին։
Հիշեցնենք՝ օրեր առաջ Ղուկասյանի գործին նոր հոդված ավելացնելու մասին հայտարարել էր Գյումրիի կալանավորված քաղաքապետի մեկ այլ փաստաբան՝ Զարուհի Փոստանջյանը։
