Միացյալ Նահանգները հայտարարել է, որ չի խրախուսում Իսրայելի կառավարության քայլերը, որոնք կարող են սրել լարվածությունը Երուսաղեմի հայկական թաղամասում․ հայտարարել է Պետքարտուղարության խոսնակ Մեթյու Միլլերը՝ անդրադառնալով Երուսաղեմի հայկական թաղամասում ստեղծված իրավիճակի մասին հարցին։
«Ինչպես մի քանի անգամ ասել ենք, մենք չենք ցանկանում տեսնել Իսրայելի կառավարության կողմից այնպիսի քայլեր, որոնք կսրեն լարվածությունը», – ասել է Միլլերը՝ հրաժարվելով ավելին ասել։
Հիշեցնենք, որ դեկտեմբերի 28-ին ավելի քան 30 դիմակավորված զինված անձինք ներխուժել էին Երուսաղեմի հայկական թաղամասի «Կովերի պարտեզ» կոչվող տարածք և հարձակվել հայ համայնքի ներկայացուցիչների ու եկեղեցականների վրա։
