Ալիևի հատուկ ներկայացուցիչը Վատիկանում քննարկել է Հարավային Կովկասում խաղաղության հաստատման հարցը

Վատիկան կատարած աշխատանքային այցի ընթացքում Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը հանդիպել է Սուրբ Աթոռի պետքարտուղար կարդինալ Պիետրո Պարոլինի և պետությունների և միջազգային կազմակերպությունների հետ հարաբերությունների գծով քարտուղար (արտաքին գործերի նախարար) արքեպիսկոպոս Պոլ Ռիչարդ Գալագերի հետ։

Քննարկումները կենտրոնացած են եղել միջպետական հարաբերությունների զարգացման, ինչպես նաև Հարավային Կովկասում խաղաղության և բարգավաճման հեռանկարների, տարածաշրջանային անվտանգության հարցերի և փոխադարձ հետաքրքրություն ներկայացնող այլ թեմաների վրա: