Միջադեպ Ազգային ժողովում. Ռուբեն Ռուբինյանը նկատողություն արեց թիմակցին
Այսօր Ազգային ժողովի հերթական նիստի ընթացքում միջադեպ է գրանցվել․ ԱԺ փոխնախագահ Ռուբեն Ռուբինյանը նկատողություն է արել «Քաղաքացիական պայմանագիր» խմբակցության պատգամավոր Ջուլիետա Ազարյանին։
Նիստի ընթացքում Ռուբինյանը դիմել է Ազարյանին՝ կոչ անելով լքել դահլիճը․ «Տիկին Ջուլիետա Ազարյան, խնդրում եմ հիմա լքեք դահլիճը, հեռախոսով դահլիճից դուրս խոսեք»,- ասել է նա։
ԱԺ փոխնախագահը նաև նախազգուշացրել է պատգամավորին՝ նշելով, որ վերջինս խանգարում է նիստի բնականոն ընթացքը։
«Ձեզ նախազգուշացում՝ նիստն անընդհատ խանգարելու համար»,- հավելել է Ռուբինյանը։
