Փետրվարից Հայաստանի քաղաքացիները կարող են այցելել ԱՄԷ առանց մուտքի վիզայի

Փետրվարի 1-ից Հայաստանի և Արաբական Միացյալ Էմիրությունների քաղաքացիների համար մուտքի վիզայի պահանջը փոխադարձաբար վերանում է, հայտնում են Արտգործնախարարությունից։

Փետրվարի 1-ից ՀՀ քաղաքացիները կարող են մուտք գործել, դուրս գալ և տարանցել ԱՄԷ տարածքով առանց մուտքի վիզայի և վճարի։ Նրանց թույլատրվելու է գտնվել էմիրությունների տարածքում առավելագույնը 90 օր ժամկետով՝ յուրաքանչյուր 180-օրյա ժամանակահատվածում։