«Ընդունելի» և «ռևանշիստ»․ Ալիևը՝ Հայաստանի քաղաքական ուժերի մասին
Ալիևը ընտրությանն ընդառաջ Հայաստանի քաղաքական ուժերի մասին է խոսել, և եթե նախկինում Բաքուն բավարարվում էր միայն ուղերձներով, հիմա փաստացի մտնում է Հայաստանի ներքաղաքական խոսույթի մեջ՝ բաժանելով ուժերին «ընդունելի» և «ատելությամբ ապրող» ճամբարների։
Նախընտրական փուլում այս ձևակերպումները սոսկ հակահայկական խոսույթ չեն, դրանք նաև քաղաքական ազդակ են։ Ընդ որում՝ այնպիսի ազդակ, որը փաստացի համընկնում է Նիկոլ Փաշինյանի իշխանության հիմնական քաղաքական թեզի հետ․ եթե գործող իշխանությունը չվերարտադրվի, տարածաշրջանում կարող է նոր էսկալացիա սկսվել։
