«Ինտերը» սպասում է Մխիթարյանի որոշմանը
Միլանի «Ինտերի» հայ կիսապաշտպան Հենրիխ Մխիթարյանը դեռևս փետրվարից դիտարկում է պրոֆեսիոնալ կարիերան ավարտելու հնարավորությունը, մինչդեռ իտալական ակումբը սպասում է ֆուտբոլիստի վերջնական որոշմանն իր ապագայի վերաբերյալ․ գրում է ArmSport-ը։
«Հայտնի ինսայդեր Ֆաբրիցիո Ռոմանոն տեղեկություն է տարածել հայ ֆուտբոլիստի ապագայի վերաբերյալ։ Մխիթարյանի գործող պայմանագրի ժամկետն «Ինտերի» հետ լրանում է այս տարվա հունիսին:
Սպասվում է, որ մոտ ժամանակներս նա կայացնի իր վերջնական որոշումը՝ ցանկանում է արդյոք շարունակել ելույթնե՞րը, թե՞ կհեռանա մեծ ֆուտբոլից»,- նշում է կայքը:
