Հրդեհ՝ Մասիսում․ կան զոհեր և տուժածներ

Այսօր՝ ժամը 20։25-ին, Արարատի մարզային օպերատիվ կառավարման կենտրոն ահազանգ է ստացվել, որ Մասիս քաղաքի 4-րդ փողոցում գտնվող տներից մեկում հրդեհ է բռնկվել․ հայտնում են ՆԳՆ-ից։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից 2 մարտական հաշվարկ։

Ըստ նախնական տվյալների՝ կա 2 զոհ և 2 տուժած․ տուժածներին տեղափոխել են բժշկական կենտրոն, նրանք ստանում են համապատասխան բուժօգնություն։