Ռոնալդուն կարող է ավարտել ֆուտբոլային կարիերան 2027 թվականին

Քրիշտիանու Ռոնալդուն հայտարարել է, որ 2026/27 մրցաշրջանը կարող է վերջինը լինել իր ֆուտբոլային կարիերայում։ 41-ամյա պորտուգալացին այդ մասին խոսել է Vogue-ին տված հարցազրույցում՝ նշելով, որ ցանկանում է կարիերան ավարտել՝ թողնելով մեծ ժառանգություն։

«Հավանաբար, սա ֆուտբոլում իմ վերջին տարին է, և ես ցանկանում եմ հսկայական ժառանգություն թողնել»,- ասել է Ռոնալդուն։

Ֆուտբոլից հեռանալուց հետո նա ծրագրում է ավելի շատ հանգստանալ, ճանապարհորդել, զբաղվել իր սիրելի փադելով և վայելել ընտանիքի հետ անցկացրած ժամանակը։ Ռոնալդուն նշել է, որ իր կարիերայի 25 տարիները լի են եղել զոհողություններով ու զրկանքներով։

Ռոնալդուն 2023 թվականից հանդես է գալիս Սաուդյան Արաբիայի «Ալ-Նասր»-ում։ Նրա պայմանագիրը ակումբի հետ նախատեսված է մինչև 2027 թվականի ամառը։

Հիշեցնենք, որ օգոստոսի 11-ին Ռոնալդուն ամուսնացել է Ջորջինա Ռոդրիգեսի հետ։ Զույգը հարաբերությունների մեջ է 2016 թվականից։