ՑԱԽԱԼ-ն ընդլայնում է Լիբանանում ռազմական գործողությունը․ Նեթանյահու

Իսրայելի պաշտպանության բանակը (ՑԱԽԱԼ) զգալիորեն ընդլայնում է ցամաքային ռազմական գործողությունը Լիբանանի հարավում․ Haaretz-ի փոխանցմամբ՝ այս մասին անվտանգության խորհրդի նիստի ժամանակ հայտարարել է վարչապետ Բենիամին Նեթանյահուն։

«Մեր բանակը Լիբանանի հարավում գործում է ցամաքային խոշոր ուժերով և վերահսկողություն է սահմանում ռազմավարական կարևորագույն շրջանների նկատմամբ», – նշել է կառավարության ղեկավարը։

Ռազմական գործողության ընդլայնումը Նեթանյահուն բացատրել է Իսրայելի հյուսիսային շրջանները պաշտպանելու անհրաժեշտությամբ։