
Իսրայելի բանակը հայտարարել է Լիբանանի հարավում նոր հարվածների մասին
Իսրայելի պաշտպանության բանակը հայտնել է, որ սկսել է հարվածների նոր ալիք Լիբանանի հարավում՝ թիրախավորելով «Հեզբոլլահի» ենթակառուցվածքները։ Ըստ իսրայելական կողմի՝ հարվածներ են հասցվում Տյուր քաղաքի և հարակից շրջանների օբյեկտներին։
Նոր հարվածները տեղի են ունենում Իսրայելի և «Հեզբոլլահի» միջև շարունակվող լարվածության ֆոնին։ Վերջին օրերին իսրայելական բանակը ընդլայնել է գործողությունները Լիբանանի հարավում, իսկ այսօր նաև հայտարարել է Բոֆոր ամրոցի նկատմամբ վերահսկողություն հաստատելու մասին։


