Ում ես աջակցում եմ, հաղթում է․ Թրամփի հարցազրույցը՝ կետերով
ԱՄՆ նախագահ Դոնալդ Թրամփը «Pod Force One» հաղորդման ժամանակ հաստատել է, որ երկուշաբթի տեղի ունեցած հեռախոսազրույցի ժամանակ Իսրայելի վարչապետ Բենիամին Նեթանյահուին անվանել է «անիծյալ խելագար»՝ պնդելով, սակայն, որ իրենք «շատ լավ են միասին աշխատել»։
Թրամփի հարցազրույցը ներկայացնում ենք կետերով․
- Ես մի փոքր մտահոգված էի Լիբանանի հետ Իսրայելի շարունակական բախումներից։ Հարձակումները վտանգի տակ են դրել ԱՄՆ-Իրան խաղաղության բանակցությունները։
- Իրանն արդեն համաձայնել է, որ միջուկային զենք չի ունենա․ նրանք, սակայն, կարող են փոխել իրենց միտքը։
- Ես պատիվ չեմ ունեցել հանդիպելու այաթոլլահին, բայց նա լավ վիճակում չէ։ Եթե հավատանք պատմություններին, նա կորցրել է մարմնի մի շարք մասեր։
- Կարծես՝ մենք բավական լավ ենք լեզու գտնում այաթոլլահի հետ։ Կցանկանայի հանդիպել նրան․ հավանաբար ինչ-որ պահի կհանդիպեմ։
- Ես եմ Իրանի դեմ պատերազմ սկսողը։ Չեմ ուզում ձանձրացնել որևէ մեկին, բայց ես դա սկսեցի, որովհետև մենք չենք կարող թույլ տալ, որ նրանք միջուկային զենք ունենան։ Եթե չլինեի ես, չէր լինի Իսրայելը։
- Իրանը չունի նավատորմ, չունի օդուժ, և ունի շատ քիչ զինվորներ։
- Ես կարող եմ պատասխանել որևէ հարցի, իսկ 20 րոպե անց մտնել Օվալաձև գրասենյակ և հասկանալ, որ իմ պատասխանն արդեն սխալ է։ Գիտե՞ք, փաստերը փոխվում են։
- Ում ես աջակցում եմ, հաղթում է։ Նկատի ունեմ՝ բոլորը։ Իմ աջակցությունը ստացած յուրաքանչյուր մարդ հաղթում է։
