Զելենսկին Պուտինի հետ բանակցելու պատրաստակամություն է հայտնել
Ուկրաինայի նախագահ Վլադիմիր Զելենսկին պատրաստակամություն է հայտնել բանակցելու Վլադիմիր Պուտինի հետ, այլ ոչ թե սպասել, որ ԱՄՆ-ն «վերջ դնի աշխարհի բոլոր հակամարտություններին» և անդրադառնա ռուս-ուկրաինական պատերազմին։
«Ես պատրաստ եմ Պուտինի հետ ուղիղ բանակցությունների՝ այս պատերազմն ավարտելու համար, այլ ոչ թե սպասել, որ ԱՄՆ-ն վերջ դնի աշխարհի բոլոր հակամարտություններին», – հայտարարել է Զելենսկին ՆԱՏՕ-ի գլխավոր քարտուղար Մարկ Ռյուտեի հետ համատեղ մամուլի ասուլիսի ժամանակ։
Նա հավելել է, որ Կիևը «շատ երկար ժամանակ» սպասում է ԱՄՆ բանակցային թիմի այցին՝ ընդգծելով, որ համարում է Վաշինգտոնն «ամենաուժեղ կողմը, որը կարող է համոզել Պուտինին դադարեցնել պատերազմը»։
