Զելենսկին բաց նամակով դիմել է Պուտինին
Ուկրաինայի նախագահ Վլադիմիր Զելենսկին բաց նամակ է հրապարակել Ռուսաստանի նախագահ Վլադիմիր Պուտինին՝ առաջարկելով սկսել Ուկրաինայի և Ռուսաստանի միջև ուղիղ բանակցություններ և նշանակել անձնական հանդիպում՝ հակամարտության դադարեցումը քննարկելու համար:
Նա նշել է, որ Ուկրաինան պատրաստ է լիակատար հրադադարի բանակցությունների ողջ ընթացքում, և կարծում է, որ Միացյալ Նահանգները կարող է ապահովել հրադադարի իրականացումը: Կիևը նաև առաջարկում է «բոլորը բոլորի դիմաց» գերիների փոխանակում, քաղաքացիական անձանց և երեխաների վերադարձ, ապա երկարաժամկետ անվտանգության երաշխիքների քննարկում։
Նամակում Զելենսկին առաջարկել է հանդիպման համար կոնկրետ ամսաթիվ նշանակել և նշել, որ այն կարող է տեղի ունենալ Շվեյցարիայում, Թուրքիայում կամ արաբական որևէ երկրում: Նա հավելել է, որ Միացյալ Նահանգները և եվրոպական երկրները հետագայում կարող են միանալ երկկողմ ձևաչափին՝ որպես ապագա համաձայնագրերի հնարավոր երաշխավորներ։
