Աղբատար «ԿամԱԶ»-ի վարորդը վրաերթի է ենթարկել հետիոտնի, ապա բախվել ուղևորափոխադրող ավտոբուսի

Այսօր՝ հունիսի 11-ին, վրաերթ-ավտովթար է տեղի ունեցել Արարատի մարզում․ գրում է shamshyan.com-ը։

«Ժամը 17։20-ի սահմաններում Մասիս-Նուբարաշեն ավտոճանապարհին Արարատի մարզի բնակիչ 44-ամյա Հովհաննես Ղ․-ն իր վարած «ԿամԱԶ» մակնիշի աղբատարով վրաերթի է ենթարկել հետիոտնին, ապա բախվել Երևանի բնակիչ 64-ամյա Արտավազդ Բ․-ի վարած թիվ 6 երթուղին սպասարկող «Higer» մակնիշի ավտոբուսին։

Վրաերթի ենթարկվածը մարմնական վնասվածքներով հոսպիտալացվել է»,- նշում է կայքը։