Իրավապահներն Արեգնազ Մանուկյանի բնակարան են ներխուժել․ պատճառը հայտնի չէ
Վաղ առավոտյան իրավապահները մուտք են գործել «Մայր Հայաստան» կուսակցության անդամ, ԱԺ նախկին պատգամավոր Արեգնազ Մանուկյանի բնակարան։ Այդ մասին տեղեկանում ենք նրա Facebook-ի էջի կարճ տևողությամբ՝ 31 վայրկյան, տեսանյութից։
Կադրերում երևում ու լսվում է՝ ինչպես է Մանուկյանը պահանջում ներկայանալ ու ասել՝ ինչու են ներխուժել իրենց բնակարան։ Տեսանյութն ավարտում է նրա՝ «հեռախոսս մի խլեք» խոսքերով։
Տեղի ունեցածի մասին ահազանգել է կուսակցության մեկ այլ անդամ՝ Մանուկ Սուքիասյանը՝ ենթադրելով, որ Մանուկյանին ձերբակալում են։
