Կյանքը՝ «ֆուտբոլային ակվարիումի մեջ» կամ ինչպե՞ս գումար վաստակել Աշխարհի առաջնության խաղերը դիտելով

Ֆուտբոլի աշխարհի առաջնության մոլի երկրպագուներ Քևին Ակոտոն և Օսթին Ֆրանկլինն այս տարի իրականացրել են բազմաթիվ ֆուտբոլասերի երազանքը՝ դիտել մրցաշարի բոլոր հանդիպումները՝ մեկնարկից մինչև եզրափակիչ սուլոց և դրա համար նույնիսկ վարձատրվել․ գրում է Reuters գործակալությունը։

Երբ կիրակի՝ հուլիսի 19-ին, մրցավարը հնչեցնի Իսպանիա-Արգենտինա եզրափակիչ հանդիպման վերջին սուլոցը, և այդպիսով ավարտվի 2026 թվականի Ֆուտբոլի աշխարհի առաջնությունը, ԱՄՆ-ի Fox One հեռարձակողի համար ժամանակավոր աշխատող «Աշխարհի առաջնության հանդիպումների գլխավոր դիտորդներ» Քևինը և Օսթինն իրենց կենսագրությունները կարող են համալրել յուրահատուկ ձեռքբերումով․ նրանք դիտել են այս խոշոր մրցաշարի բոլոր 104 հանդիպումները։

Տղաները հանդիպումները դիտում են Թայմս Սքվերում գտնվող ապակե պատերով տաղավարում, որն ակվարիում է հիշեցնում․ անցորդները հաճախ կանգ են առնում, ներս նայում և նույնիսկ աթոռներ մոտեցնում տաղավարին՝ ապակուց այն կողմ ցուցադրվող խաղերը դիտելու համար։ Առաջնության ընթացքում Ակոտոն և Ֆրանկլինն իրենց սոցիալական հարթակներում հրապարակումներ են արել՝ մեկնաբանելով հանդիպումները։

Մրցաշարը դիտելու համար տղաներից յուրաքանչյուրին կվճարեն 50․000 դոլար։