Snapchat-ը միանում է YouTube-ին և LinkedIn-ին՝ AI-ի դեմ պայքարում

Snapchat-ը միացել է YouTube-ի, LinkedIn-ի և Substack-ի՝ ամբողջությամբ արհեստական բանականության (AI) գործիքներով ստեղծվող գրավոր նյութերի, պատկերների և տեսանյութերի դեմ պայքարի նախաձեռնությանը․ գրում է BBC-ն։

Նմանատիպ բովանդակությունը, որ հաճախ անվանում են «AI slop» (AI-ով ստեղծված ցածրորակ բովանդակություն), մեծ տարածում է գտել համացանցում․ տեխնոլոգիական ոլորտը մրցավազքի մեջ է՝ ստեղծելու ավելի մեծ թվով և ավելի հեշտ օգտագործելի AI գործիքներ, որոնք կարող են ստեղծել ամեն ինչ՝ էսսեներից մինչև իրականին մոտ տեսանյութեր։

Snap-ը՝ Snapchat-ի մայր ընկերությունը, հայտարարել է, որ հարթակն իր հայտնի Spotlight բաժնում այլևս չի առաջարկի «ամբողջությամբ AI-ով ստեղծված տեսանյութեր»՝ նախապատվությունը տալով «իրական, մարդու կողմից ստեղծված բովանդակությանը»։

Վերջին երկու շաբաթների ընթացքում YouTube-ը, LinkedIn-ը և Substack-ը նույնպես հանդես են եկել նմանատիպ նախաձեռնությամբ։