Ռուսաստանը Խերսոնի ուղղությամբ կդադարեցնի կրակը ու կհայտարարի «լռության ռեժիմ»
ՌԴ Զինված ուժերի գլխավոր շտաբի պետ Վալերի Գերասիմովը հայտարարել է, որ ռուսական բանակը հոկտեմբերի 27-ին՝ Մոսկվայի ժամանակով ժամը 04:00-ից, Խերսոնի ուղղությամբ դադարեցնելու է մարտական գործողությունները և սահմանելու է «լռության ռեժիմ»․ գրում են ռուսական լրատվամիջոցները։
Որոշումը վերաբերում է Խերսոնի մարզի Օլեշկի քաղաքին և հարակից տարածքներին:
Ըստ ՌԴ ԶՈւ գլխավոր շտաբի՝ կրակի դադարեցման հիմնական նպատակը տարածաշրջանում լայնամասշտաբ հումանիտար գործողության իրականացումն է: Ժամանակավոր հրադադարը հնարավորություն կտա ապահովել քաղաքացիական բնակչության տարհանումը, ինչպես նաև իրականացնել տարածքների ականազերծում և առաջին անհրաժեշտության հումանիտար օգնության տեղափոխում:
Նշենք, որ ըստ Սպիտակ տան՝ Օլեշկիի հատվածում տեղային հումանիտար հրադադարի շուրջ բանակցությունները տեղի են ունեցել ԱՄՆ առաջին տիկին Մելանյա Թրամփի միջնորդությամբ, որին մասնակցել են ինչպես ռուսական, այնպես էլ ուկրաինական կողմերի ներկայացուցիչները:
Իրավիճակը Օլեշկիում վերջին շրջանում ծայրահեղ ծանր է. քաղաքում սննդամթերքի և առաջին անհրաժեշտության ապրանքների խիստ պակաս կա:
Սպասվում է, որ հոկտեմբերի 27-ին մեկնարկող «լռության ռեժիմը» թույլ կտա կանխել հումանիտար աղետն ու անվտանգ միջանցքներ ապահովել խաղաղ բնակիչների համար:
