Փաշինյանի գլխին զենք էլ դնես գնդակահարես, չի գնա արտահերթ ընտրության․ Սամվել Կարապետյանի ճեպազրույցը՝ կետերով
TRIPP-ի ստորագրումը վտանգներ կարող է ներկայացնել, որպես «միջանցք» կբացեն և մեզ ցտեսություն կասեն․ այսօր Հակակոռուպցիոն դատարանի բակում լրագրողների հետ զրույցում ասաց «Ուժեղ Հայաստան» կուսակցության նախագահ Սամվել Կարապետյանը։
Ներկայացնում ենք Կարապետյանի ճեպազրույցը՝ կետերով․
- Մենք կմասնակցենք, կհաղթենք։ Անցած անգամ էլ ՔՊ-ն հաղթանակ չի ունեցել․ Սամվել Կարապետյանը՝ Փաշինյանի՝ արտահերթ ընտրությունների հնարավոր անցկացման մասին։
- Փաշինյանի գլխին զենք էլ դնես գնդակահարես, չի գնա արտահերթ ընտրության։ Ինքը հազիվ 1 մլրդ ծախսելով կարողացավ 49 տոկոս ձայն հավաքել։
- Արտահերթ ընտրություն չի՛ լինելու։
- Մենք ապահովելու ենք Փաշինյանի հեռացումը։
- Ես շատ ուրախ կլինեի, որ այս տարիների ընթացքում այս իշխանությունը բացահայտած լիներ Հոկտեմբերի 27-ը, բայց նա ոչ խելք, ոչ շնորհք, ոչ էլ կամք ունի դա անելու համար։
- Գազը կթանկացնեն, թե չէ՝ կախված է Փաշինյանի խելքից ու շնորհքից։ Փաշինյանի նպատակը հայ ազգին աղքատացնելն է։
- Շատ զինվորներ են զոհվում, հիմա ներքին հարց են, արտաքին հարց են՝ զինվորները զոհվում են։ Զոհվում են սահմանին, թե իրենց կեցավայրերում, ի՞նչ կապ ունի։
- Ադրբեջանցիներից մեկը Շաքի է մտել, մյուսի անունը դրել են հովիվ, բա մի օր էլ թող Փաշինյանը մտնի Ադրբեջանի տարածք, տեսնենք՝ հետ կտա՞ն իրեն, թե՞ չէ։
- ՏԻՄ ընտրություններն այս իշխանությունների քաղաքական «պանիխիդան» էին, մի քանի ամսից կսկսվի թաղման պրոցեսը։
